ارجوه الأنتباه للأهمية...!!!

ارجوه الأنتباه للأهمية...!!!

كانت جميع قنوات الخاصة على التلفزيون المصري قرفنا بالتبرعات ونازلين شكر 

في الفنانين على تبرعهم في الاشتراك في الأعلان..ده مش موضوعي 

كانوا عاملين اعلان التبرع للمستشفيات 5 نجوم مع العلم انه يوجد مستشفيات هامة وفقيرة ومنها هذه المستشفى

ذيع مشكلتك

5 يوليو 2017 · 

عن مستعمرة الجذام في مصر (أرض الموت)
بنت بتحكي لنا وبتقول :
بابا بيشتغل مهندس تكييفات، مرة جاله زبون وقال له:
انا عاوز اعمل شغل عند واحد قريبى، و بابا راح للراجل،
طلع الشغل فى مستشفى اسمها "مزرعة الجذام" ..
انا كنت اول مرة اعرف ان فيه المرض ده أصلاً ، و ان له مستشفى كمان
المهم بابا راح المستشفى، هى ناحية منطقة أبو زعبل (الخانكة) ، ولما راح هناك اتصدم من المكان ..
انتم عارفين إيه أكبر مستشفى فى مصر ممكن تشوفوها ؟!
مستشفى الدمرداش أو مستشفى 57 صح؟ ..
أحب اقول لكم ان دى اكبر مساحة مستشفى على مستوى العالم كله ، مساحة رهيبة .. بابا بيقول لى مكان مرعب، هو عبارة عن 3 مبانى بس، واحد للحريم، وواحد للرجال، وواحد للعاملين.

المهم بابا دخل و اتكلم مع كام واحد، اتصدم اكتر لدرجة ان بابا كان بيعيط عليهم .. الناس مش بتاكل ومُهملين اوى ومحدش بيسأل فيهم، و ضعفاء الجسم و البنية واطرافهم متاكلة .. يعتبروا جثث بس فيها روح ..

طبعا بابا كان بيكلم طوب الأرض علشان يجمع لهم الاكل لأن فعلاً الناس تصعب عالكافر ،
فأخد الأكل اللى جابه هو و كام حد اشترك معاه، وراح يوم الاربعاء اللى فات ودالهم الأكل، عارفين إيه اللى حصل؟ .. الستات زغرطت والرجالة بتسجد شكر لله، والناس اتبسطت أوى علشان هياكلوا
واحدة ست فضلت ترقص وتقول: اخيراً هيأكلونا لحمة .
هاخد 100 جرام لحمة و تزغرط ..
والله و الله بابا بيقول لى انا حسيت انى شامم ريحة الجنة من كلام الناس
فأرجوكم .. لو حتى تودوا لهم شيكارة مكرونة .. كل حد مننا يجيب اكل للناس دى، قولوا لأصحابكم ،
انشروا البوست ده على قد ما تقدروا
وطلعوا الزكاة والصدقة هناك، الناس دى موتي علي قيد الحياة

#تعليق
المرض مُعدي جداً يا جماعة لازم نتعامل مع المرضي بحرص ،
بمعني انه بيتنقل بالأكل والشرب مع المريض مش بالنفس ،
المستشفي كبيرة لكن فقيرة وغير آدمية ،
رحم الله الأحياء منا قبل الأموات !

منقول..ارجوا التبرع والمساهمة الفعلية